Vegna veikinda hjá Rekstrarstjóra Harðar er fólki bent á að ekki er hægt að hringja í Harðarnúmerið fyrr en eftir kl.15.00 á daginn. Síminn er 8528830 eða 8616691. Einnig er hægt að senda tölvupóst á netfangið This email address is being protected from spambots. You need JavaScript enabled to view it.
Nú er komið að því....þorrablótið að bresta á. En við ætlum að byrja á því að fara í reiðtúr og lagt verður af stað kl.16.00 úr Naflanum. Þar sem stoppað verður, verða veitingar í boði Harðar. Mátulega lagnur reiðtúr fyrir alla, þeta er eitthvað sem enginn má missa af.
Ef einhvern vantar ennþá miða er hægt að troða nokkrum í viðbót, bara hringja í síma 866691 (Jóna Dís) eða 8934671 (Ragga Trausta.)
Helmingur af Reiðhöllinni er upptekinn 17. - 19. janúar vegna þess að kennsla í Reiðmaðnninum fer þar fram.
Nú hefjum við árið af krafti og kynnum fyrstu umferð af námskeiðum fyrir fullorðna í Herði. Stefnt er að því að námskeiðin byrji vikuna 27. janúar til 3. febrúar. Þegar skráning liggur fyrir verða nákvæmar tímasetningar á námskeiðunum kynntar. Skráning fer fram í gegnum Sportfeng.
Við minnum jafnframt á að frestur til skráningar í knapamerki fyrir fullorðna rennur út á sunnudaginn og kennsla þeirra hefst í næstu viku. Enn er laust pláss í einhver þeirra.
Aftur á bak
Rólegt og uppbyggjandi námskeið fyrir fólk sem er að byrja í hestamennsku eða hefur aldrei farið á námskeið. Einnig fyrir þá sem hafa jafnvel orðið hvekktir en vilja komast í hnakkinn aftur eða þá sem skortir kjark og ná þess vegna ekki þeim árangri sem þeir stefna að.
Kennt í 6 skipti.
Kennari verður Oddrún Ýr Sigurðardóttir.
Verð: 12.000 kr.
Almennt keppnisnámskeið
Almennt keppnisnámskeið er ætlað þeim sem hafa hug á að taka þátt í hvers kyns mótum í áhugamannaflokkum. Á námskeiðinu verður meðal annars farið yfir þá áhugamannaflokka sem boðið er upp á í almennri keppni. Kennslan verður jafnframt sniðin að þörfum nemenda.
Kennt í 6 skipti.
Kennari verður Súsanna Ólafsdóttir.
Verð: 12.000 kr.
Vinna í hendi
Fjallað verður um mismunandi leiðir til að vinna í hendi. Lögð verður áhersla á andlegt og líkamlegt jafnvægi, líkamsbeitingu, sveigjanleika, jafnvægi til hliðanna og stjórn á yfirlínu á grunnþjálfunarstigi. Ætlunin er að nemendur öðlist meiri þekkingu á jafnvægi hestsins og geti notfært sér nýjar þjálfunaraðferðir til að stuðla að fjölbreytni í þjálfun. Kennslan mun byggja á áherslu á verklega kennslu en jafnframt bóklega samhliða sýnikennslu.
Kennt í 6 skipti.
Kennari verður Malin Elisabeth Jansson.
Verð: 12.000 kr.
Gangsetning tryppa / framhald í tamningu
Námskeiðið er fyrir tryppi sem lokið hafa frumtamningu og eru komin á stig gangsetningar. Skipulagið verður þannig að í upphafi er miðað við hálftíma einkatíma en það mun taka breytingum samhliða framförum tryppanna og getur þróast í klukkutíma kennslustund með tveimur nemendum.
Kennt í 6 skipti á fimmtudögum.
Kennari verður Róbert Pedersen.
Verð: 24.000 kr.
Paratímar / einkatímar hjá Róberti Pedersen
Námskeið sérsniðið að þörfum hvers og eins og hentar hestum og knöpum á öllum stigum reiðmennskunnar. Í boði eru einkatímar í 30 mínútur eða tveir nemendur saman í 60 mínútur.
Kennt í 6 skipti á fimmtudögum.
Kennari verður Róbert Pedersen.
Verð: 24.000 kr.
Reiðnámskeið með Rúnu Einarsdóttur
Námskeið sérsniðin að þörfum hvers og eins og hentar hestum og knöpum á öllum stigum reiðmennskunnar. Í boði eru einkatímar í 30 mínútur eða tveir nemendur saman í 60 mínútur.
Kennt í 5 skipti á miðvikudögum.
Kennari verður Rúna Einarsdóttir.
Verð: 22.500 kr.
Skráning skal eiga sér stað í gegnum Sportfeng (velja skráningarkerfi):
http://skraning.sportfengur.com/SkraningNamskkort.aspx?mode=add
1. Velja námskeið.
2. Velja hestamannafélag (Hörður).
3. Skrá kennitölu þátttakanda – (Ef kennitala ekki í félagaskrá, þarf að fara inná www.hordur.is og sækja um aðild).
4. Velja atburð (og hóp ef fleiri en einn hópur).
5. Setja í körfu.
6. Velja greiðslufyrirkomulag: Greiðslukort eða millifærsla. Skráning telst ekki gild nema greiðsla hafi borist.
| Engir viðburðir |
