Laugardaginn 1.febrúar var haldið mjög skemmtilegt grímutölt í Herði og var met skráning eða um 51 keppandi. Búningarnir voru ótrúelga flottir og greinilegt að fólk leggur mikinn metnað í þá. Í yngri flokkunum var mikil skráning og er greinlegt að æskulýðsstarfið fer vel af stað í vetur.
Rétt er að benda hestamönnum á, að í 4.gr laga um umgengi á Harðarsvæðinu kemur fram að bannað er að hafa heyrúllur og fleira dót við hesthús á félagssvæðinu. Stjórn félagsins og Hesthúseigendafélagið hafa ekki fylgt þessari reglu eftir vegna breyttra aðstæðna í hesthúsum á félagssvæðinu.
Nú er svo komið að ástandið er algjörlega óviðunandi og eru lausir endar á heyböggum og rúllum fjúkandi í allar áttir og hafa hlotist slys af, bæði á fólki og hestum. Við skorum því á eigendur bagganna að laga enda og/eða setja net yfir svo allir geti verið sáttir. Ef ekki verður breyting á þessu, áskiljum við okkur rétt til að framfylgja þessum lögum.
Kæru Harðarfélagar.
Í dag mánudaginn 3.febrúar verður GÁMUR UNDIR PLAST við Reiðhöllina. Hann verður opinn millI kl.17.00 - 19.00 og á morgun á sama tíma. Það má bara fara plast í gáminn, ekki bönd eða neitt annað. Endilega virðið það.
Á morgun föstudaginn 31.janúar kl.19.00 verður sýnikennsla áumferðarreglum og fleiru sem hægt er að gera í reiðhöllum (á léttu nótunum). Það virðist vefjast fyrir ansi mörg hvaða reglur gilda í reiðhöllinni þegar fleiri en einn eru að nota reiðhöllina.
Því ætla reiðkennara á Harðarsvæðinu að vera með sýnikennslu í umferðarreglum í reiðhöllinni á Varmárbökkum. Húsið opnar kl.19.00 og sýningin kl.19.30. Hvetjum fólk til að koma úr hesthúsnum og kaupa sér kjötsúpu og fleiri veitingar. Einnig verða til sölu bönd og fleira til að nota fyrir reiðhallarlyklana.
Þulur á sýningunni verður hinn frábæri Eysteinn Leifsson og má því búast við skemmtilegri sýningu.
Hlökkum til að sjá sem flesta.
Reiðkennarar á Harðarsvæðinu.
| Engir viðburðir |
