Hestamannafélagið Hörður

Vorið á næsta leiti

Nánar: Skrifað þann Miðvikudagur, apríl 05 2017 08:38; Skrifað af Oddrún Ýr Sigurðardóttir

Vorið á næsta leiti

Þá er vorið farið að láta á sér kræla þótt veturkonungur hafi sent okkur smá kveðju í dag.

Beitarnefnd Harðar vill því hvetja alla þá sem hafa hugsað sér að sækja um beit hjá félaginu að fara að senda okkur umsókn hér á heimasíðu félagsins. Við bendum einnig á að þeir sem hafa haft beit hjá félaginu þurfa líka að sækja um. Sækja þarf um á hverju ári sama hvort menn hafa haft beit eður ei.

Þá vill nefndin benda á að ætlast er til þess að hross í beit hjá félaginu eiga að vera ábyrgðartryggð og því mikilvægt að fólk hugi að því í tíma.

Segja má að nauðsynlegt sé að hafa hross sem staðsett eru á höfuðborgarsvæðinu með slíkri trygging burtséð frá því hvort þau séu á beitarhólfi á vegum Harðar eða ekki.

Þá minnum við á að þeir sem hafa varðveitt poka undan áburðinum sem úthlutað er með beitinni að hafa þá tilbúna þegar áburðarafhending verður auglýst. Félagið hefur lagt til poka en nú sem fyrr rekum við stranga umhverfisstefnu og reynum að nýta plastið eins oft og vel og mögulegt er. Þeir sem ekki hafa poka ættu að nýta poka undan fóðurbæti undir áburðinn.

Með vorkveðju frá Beitarnefnd

Paskafitness

Nánar: Skrifað þann Föstudagur, mars 31 2017 11:44; Skrifað af Oddrún Ýr Sigurðardóttir

Ágætu félagar

Reiðhöllinn er lokuð milli 12-14 á morgun laugardag vegna páskafitness æskulýðsnefndar.

Allir eru velkomnir að koma og taka þátt

Kv æskulýðsnefnd

Páskafitness

Nánar: Skrifað þann Mánudagur, mars 27 2017 21:27; Skrifað af Oddrún Ýr Sigurðardóttir

Páskafitness Æskulýðsnefndar Harðar verður laugardaginn 1. apríl 2017 kl 12:00 í reiðhöllinni. Foreldrar eru hvattir til að mæta með börnum sínum á þennan skemmtilega viðburð eða börnum, unglingum og ungmennum sínum . Við munum skipta okkur í lið og fara saman í gegnum skemmtilegar þrautir, s.s.

Pokahlaup

Hjólbörurallý

Skeifu- og stígvélakast

og margt fleira skemmtilegt

Að leikum loknum bjóðum við uppá vöfflur og heitt kakó og að sjálfsögðu fá öll börn félagsmanna páskaegg.

Hlökkum til að sjá sem flesta Harðarfélaga með kveðju æskulýðsnefndin

Dymbilvikusýning Spretts

Nánar: Skrifað þann Fimmtudagur, mars 23 2017 15:26; Skrifað af Oddrún Ýr Sigurðardóttir

Nú fer að líða að Dymbilvikusýningu Spretts þann 12.apríl næstkomandi og þá munum við eins og undanfarin ár halda létta keppni milli félaga um flottustu ræktunarhesta sem hafa fæðst hjá félagsmönnum í hverju félagi.

Okkur þætti vænt um ef þið hafið tök á að aðstoða okkur um að finna 3-6 hesta sem koma fram sem fulltrúar ykkar félags til að mæta á sýninguna og taka þátt í þessari léttu keppni.

Keppnin stendur á milli eftirfarandi félaga: