Nánar

Skrifað þann Miðvikudagur, júní 25 2014 18:59

Skrifað af Jóna Dís Bragadóttir

Æfingabúðir Æskulýðsnefndar Harðar - Umsjón matar og barna um helgina - Bryndís 6603854

Dagskrá:

Laugardagur 28/6 

Nánar...

Nánar

Skrifað þann Mánudagur, júní 23 2014 10:35

Skrifað af Jóna Dís Bragadóttir

Kristján Þorgeirsson „póstur“ var einn af stofnendum Hestamannafélagsins Harðar og heiðursfélagi þess. Raunar er það svo að Kristján var upphafsmaður þess að farið var að ræða myndun hestamannafélagsins. Hann ræddi þetta við félaga sína í upphafi árs árið 1950 og félagið var stofnað skömmu síðar. Áhugi Kristjáns á hestum var alla tíð einlægur og virtist honum í blóð borinn. Hann sagði einhvern tíma að snemma hefði honum orðið það ljóst að hann gæti aldrei hestlaus verið. Kristján var alla tíð virkur í félagsstarfi Harðar og var formaður félagsins á upphafsárum þess eða frá 1955-1961. Hann átti sæti í stjórn Harðar sem meðstjórnandi og var lengi meðstjórnandi og varaformaður félagsins. Þá starfaði hann í fjölda nefnda á vegum félagsins og sótti fjölmörg landsþing.

Þátttaka Kristjáns í kappreiðum og hestamannamótum fyrir Hörð var alltaf mikil. Þannig tók hann þátt í öllum kappreiðum félagsins frá upphafi og síðar í hinum ýmsu keppnum. Oft fór hann með sigur af hólmi og sigraði oft í skeiðgreinum, orðinn háaldraður. Síðastliðið vor tók hann þátt í sýningu í Reiðhöllinni í Víðidal þar sem hann reið með félaga sínum, Ingimar Sveinssyni, annar á tíræðisaldri og hinn á níræðisaldri. Þá lagði Kristján á það áherslu að mæta alltaf á árshátíðir félagsins sem hann og gerði og var á þeim öllum nema einni er hann var erlendis, nú síðast í febrúar sl.

Það hefur verið einstaklega skemmtilegt að fylgjast með Kristjáni ríða út hin síðari ár og varla hefur liðið sá dagur sem hann hefur ekki farið á bak. Ég hef verið svo heppin að vera nágranni hans í hesthúsahverfinu og fengið að fylgjast með þessum mikla snillingi og sanna hestamanni. Hestamannafélagið Hörður þakkar Kristjáni fyrir hans störf fyrir félagið frá upphafi og minnist hans með virðingu. Sannur hestamaður er farinn.

Nánar

Skrifað þann Mánudagur, júní 23 2014 09:52

Skrifað af Jóna Dís Bragadóttir

Frá Jónsmessureið Dalbúa 2014; þess minnst að 54 ár eru liðin frá því að Ingimundur og Ólafur á Hrísbrú stofnuðu hestaleigu. Jóna Dís Bragadóttir formaður hestamannafélagsins Harðar flutti ávarp og reiðgatan vestan við Mosfell merkt en hún var upphaflega rudd vegna leigunnar. Á einni myndinni eru Gísli og Andrés á Hrísbrú við Tröllafoss en þangað var iðulega farið á hestaleiguárunum.

Nánar...

Nánar

Skrifað þann Fimmtudagur, júní 19 2014 23:44

Skrifað af Jóna Dís Bragadóttir

Þann 19. júní 2014 var styrkjum úr samfélagssjóðum Virðingar úthlutað í sjötta sinn. Samfélagssjóðir Virðingar eru tveir, AlheimsAuður og Dagsverk Virðingar.

Nánar...