Nánar

Skrifað þann Þriðjudagur, september 13 2016 21:17

Skrifað af Oddrún Ýr Sigurðardóttir

Þá er hinum eiginlega beitartíma í löndum Mosfellsbæjar lokið þetta árið. Lauk

10. September en sökum góðrar tíðar í vor og sumar hefur lítið eða ekki verið ýtt

við mönnum að fjarlægja hross úr hólfunum. Eftir skoðun á hólfunum í gær,

mánudag, var ákveðið að leyfa félagsmönnum að hafa þau þar fram að

næstkomandi helgi með einhverjum undantekningum þó.

Mönnum er bent á að hætta randbeit hið snarasta og láta hrossin vera

einvörðungu á þeim hluta sem óbitinn er. Þannig að hrossin séu ekki að darka á

því sem búið er að bíta. Betra er að bitnu hlutarnir nái að jafna sig eitthvað fyrir

úttektina. Fulltrúi landsgræðslunnar kemur strax eftir helgi til úttektar á

hólfunum og þurfa þá öll hross að vera farin. Nokkrir þurfa að fjarlægja hrossin

strax og verður haft samband við viðkomandi.

Beitarnefnd

Nánar

Skrifað þann Þriðjudagur, ágúst 30 2016 20:07

Skrifað af Oddrún Ýr Sigurðardóttir

Árleg síðsumarsúttekt á beitarhólfum á vegum félagsins var gerð nýlega og voru úttektarmenn

mjög ánægðir útkomuna. Ástandið að heita má mjög gott nánast allstaðar þótt á nokkrum

stöðum sé tímabært að ýmist fjarlægja hross eða loka þau af á lítið eða óbitnum hlutum

hólfanna. Eins og staðan er í dag eru allir möguleikar fyrir hendi að hægt sé að skila öllum

hólfunum í viðunandi einkunn það er 3 sem þýðir á skalanum fullnýtt án ofbeitar.

Eins og sjálfsagt allir sem hafa verið með hross á beit í sumar hefur tíðarfarið verið afar

hagstætt þessa tæpu þrjá mánuði. Vorið mjög gott þannig að hægt var að sleppa hrossum fyrr

en reglur segja til um og hátt hitastig flesta daga. Og síðast en ekki síst var úrkoman mjög í

hófi þannig að hólfin hafa ekki sporast út á álagsblettum.

Þannig að allar líkur eru á að útkoman úr loka úttekt Landgræsðlunnar verði með besta móti.

Beitarnefnd vill hinsvegar benda hverjum og einum á að skoða hólfin vel. Færa hrossin af

þeim hlutum sem mikið eru bitin svo þau nái að spretta eitthvað fyrir úttektina og tryggja með

því rétta einkunn. Fjarlægja þarf hross úr nokkrum hólfum og verður haft samaband við þá

aðila.

Beitarnefnd

Nánar

Skrifað þann Fimmtudagur, ágúst 25 2016 14:25

Skrifað af Jóna Dís Bragadóttir

Guðmundur Ólafsson lést í síðustu viku 94 ára að aldri.  Hann var einn af stofnendum Hestamannafélagsins Harðar og jafnframt heiðursfélagi Harðar.  Útför hans fer fram í Bústaðakirkju á morgun föstudag kl.13.00.

Hestamannafélagið Hörður sendir aðstandendum Guðmundar samúarkveðjur.

Nánar

Skrifað þann Mánudagur, ágúst 22 2016 22:51

Skrifað af Jóna Dís Bragadóttir

Vatnið verður tekið af hesthúsahverfinu kl.18.00 á morgun þriðjudag. Þetta verður eitthvað fram eftir kvöldi.