Beit leyfð fram á næstu helgi
Ákveðið hefur verið í framhaldi af ábendingu Áslaugar Erlínar Þorsteinsdóttur á facebook að leyfa beit í þeim stykkjum þar sem næga beit er að hafa. Í þeim stykkjum sem beitin er uppurin þarf að fjarlægja hrossin strax.
Beitarnefnd
Umsóknafrestur í Afrekssjóðinn var til 31. ágúst. Vandræði hafa verið með umsóknakerfið þannig að eitthvað af umsóknum hafa ekki skilað sér inn til okkar. Nú er búið að lagfæra þetta og viljum við því biðja þá sem hafa sent inn umsókn að senda aftur svo það sé öruggt að hún verði tekin fyrir núna. Framlengjum því umsóknafrestinn til 15. sept.
Þá er tíundi dagur septembermánaðar runnin upp sem þýðir að beitartímabili í beitarhólfum sem Hörður úthlutar er senn á enda runnið. Samkvæmt samningi félagsins við Mosfellsbæ ber leigutökum að fjarlægja hross úr hólfunum eigi síðar en á miðnætti þann 10. september.
Beitarnefnd beinir því þeim tilmælum til hlutaðeigenda að þeir virði þetta ákvæði og fjarlægi hrossin í kvöld.
Fulltrúi Landgræðslu ríkisins mætir síðar í vikunni og metur ástand beitarhólfanna eins og venja er til.
Beitarnefnd
Hestamannafélagið Hörður í Mosfellsbæ, hefur um nokkurt skeið boðið upp á reiðnámskeið fyrir fatlað fólk, aðallega börn, en þó einnig fyrir fullorðna.
Námskeiðin hefjast þann 1. október og er kennt frá kl: 14:45- 15:45 alla virka daga, en á laugardögum frá kl: 10:30 – 11:30
Hvert námskeið er einu sinni í viku og stendur yfir í 10 vikur.
Verð fyrir námskeiðið er Kr: 50.000-
Reiðkennari er Fredrica Fagerlund, en hún er menntuð sem reiðkennari og þjálfari frá Háskólanum á Hólum. Fredrica er eigandi að reiðskólanum Hestamennt ásamt manni sínum, Sigurði H. Örnólfssyni. Reiðskólinn var áður í eigu Berglindar Ingu Árnadóttur (Beggu), sem hefur nú flutt erlendis til annarra starfa.
Í lok námskeiðs fá þátttakendur kennsluhandbók og viðurkenningarskjal.
Skráning fer fram á netfanginu This email address is being protected from spambots. You need JavaScript enabled to view it.
Nánari upplýsingar á Facebook: https://www.facebook.com/reidnamskeid/
Við viljum koma á framfæri þökkum til sjálfboðaliðanna okkar og styrktaraðila, en þeir eru einn af hornsteinum starfseminnar. Fræðslunefndin er alltaf að leita að fólki sem er til í að gefa af sér og sínum tíma til að vinna með okkur. Eina sem þarf er jákvæðni, áhugi á mannlegum samskiptum og einn til tveir klukkutímar í viku. Ef þú vilt vera sjálfboðaliði eða fá frekari upplýsingar þá sendu okkur póst á This email address is being protected from spambots. You need JavaScript enabled to view it..
| Engir viðburðir |
