Nánar

Skrifað þann Þriðjudagur, júní 09 2020 13:59

Skrifað af Sonja

Heimilt er að sleppa hrossum á beit laugardaginn 13. júní. (frá miðnætti föstudags er kominn nýr dagur)

Hver og einn hugi vel að sínu hólfi, gæti þess að girðingar séu samkvæmt reglum félagsins:

Girðingar skulu vera að lágmarki tveggja strengja með tré eða járnstaurum. Æskilegt er að amk annar þeirra sé vírstrengur. Á hornum skulu vera veglegir burðarstaurar með stögum eða stífum á hornum. Girðingarnar skulu vera rafmagnaðar meðan hross eru í þeim og viðvörunarskilti á þeim þar sem vænta má umferðar í kringum þær.  Gaddavírsgirðingar eru stranglega bannaðar.

Eindagi beitargjalds er 10. júní, vinsamlega greiðið fyrir eindaga.

Nánar

Skrifað þann Mánudagur, júní 08 2020 20:11

Skrifað af Sonja

Það mættu um 50 manns í kirkjureiðina undir dyggri fararstjórn Lillu.  Um 70 manns mættu í kirkjukaffið í Harðarbóli þar sem borð svignuðu undan kræsingum.  Þar báru hæst brauðterturnar sem Kata smurði og skreytti af sinni alkunnu snilld.

Félagið þakkar öllum þeim sem lögðu hönd á plóginn, þið stóðuð ykkur með miklum sóma.  Án ykkar væri félagið fátækara.

Stjórnin

Nánar

Skrifað þann Fimmtudagur, júní 04 2020 14:40

Skrifað af Sonja

Minnum á Kirkjureiðina í Mosfellskirkju nk sunnudag.  Lagt af stað úr Naflanum kl 13.00.  Karlakór Kjalnesinga syngur og Jóhannes grínari verður með ávarpið.  Kirkjukaffi í Harðarbóli að athöfn lokinni.  Brauðtertur, vöfflur, kleinur og heitt súkkulaði.

Nánar

Skrifað þann Miðvikudagur, júní 03 2020 14:23

Skrifað af Sonja

Árlegt gæðingamót Harðar verður haldið helgina 13-14. Júní og verður það opið öllum! Skráning verður frá miðvikudeginum 3. júní til mánudagsins 8. júní. Ef óskað er eftir að skrá eftir þann tíma er skráningargjaldið tvöfalt. Skráning er í gegnum Sportfeng.

Eftirfarandi flokkar eru í boði en skráningargjaldið er 6000kr í fullorðins flokkana og 5000kr í yngri flokkana, skeiðgreinar og unghrossakeppnina. Hvetjum fólk til að skrá sig tímanlega;)

- A-flokkur (gæðingaflokkur 1)
- A-flokkur áhugamenn (gæðingaflokkur 2)

- B-flokkur (gæðingaflokkur 1)
- B-flokkur áhugamenn (gæðingaflokkur 2)

- Barnaflokkur
- Unglingaflokkur
- A-flokkur ungmenna
- B-flokkur ungmenna

- Pollar teymdir
- Pollar ríða sjálfir

- Tölt T3 2. Flokkur
- Tölt T3 1. Flokkur
- Tölt T1 meistaraflokkur

- 100 metra skeið
- 100 metra stökk

- Unghrossakeppni (aðeins fyrir félagsmenn)

Hlökkum til að sjá ykkur!

ATH mótanefnd áskilur sér rétt til að fella niður/sameina flokka ef ekki næg skráning næst.