Hestamannafélagið Hörður

Almennur félagsfundur: Vallarsvæði og hringgerði

Nánar: Skrifað þann Miðvikudagur, desember 15 2021 09:38; Skrifað af Sonja

Stjórn Harðar boðar til umræðufundar um vallarsvæði og hringgerði á félagssvæðinu, miðvikudaginn 5 janúar 2022, klukkan 20:00 í Harðarbóli.

Farið verður yfir hugmyndir um breytingar á vallarsvæði og möguleika því tengdu ásamt hugmyndum um breytingar og viðbætur á hringgerðum með yfirbyggingu í huga.

Hvetjum alla félagsmenn til að mæta og taka þátt í umræðum, koma með hugmyndir og hafa áhrif á framtíðar skipulag hverfisins.

Kveðja

Stjórn Harðar

Dagskrá Harðar 2022 er kominn inn

Nánar: Skrifað þann Mánudagur, desember 13 2021 12:22; Skrifað af Sonja

Dagskrá (hordur.is)

Skynjun og atferli - Hugrakkir hestar - helgarnámskeið

Nánar: Skrifað þann Fimmtudagur, desember 09 2021 10:19; Skrifað af Sonja

Skynjun og atferli - Hugrakkir hestar

Spennandi helgarnámskeið í Herði í janúar

Skráninginn opnar á laugardag næstkomandi 11.12.21 í

https://www.sportabler.com/shop/hfhordur

Helgina 21. -23.janúar verður helgarnámskeið sem fjallar um skynjun og atferli hestsins.
Reiðhöllin verður fyllt af allskyns áskorunum sem knapar fá dygga hjálp við að leysa með hesti sínum og um leið aukna færni og kunnáttu við þjálfun og samskipti við hestinn. Námskeiðið byggist á verklegri og bóklegri kennslu um læriatferli hestsins, skynjun og viðbrögð. Farið verður í aðferðafræði við að venja hestinn við áreiti, td umhverfisáreiti og alls kyns þrautir verða leystar bæði við hendi og á baki, líkamstjáningu og hegðun knapa/þjálfara í hinum ýmsu aðstæðum.

Bóklegur tími verður á föstudegi og verklegir tímar skiptast í tvo tíma á laugardegi og tvo á sunnudegi - lokatími á sunnudegi er að leysa ”þrautabraut” þar sem samskipti knapa og hests verða sett í smá próf undir álagi. Markmið námskeiðsins er að bæta skilning knapa á eðli og atferli hestsins, bæta skilning hests og knapa á ábendingum og samskipti knapa við hestinn sinn og auka öryggi þeirra í því umhverfi sem hestur og knapi upplifa saman.

Kennari er Hinrik Þór Sigurðsson

Hinni hefur kennt hjá okkur áður og hefur svo sannarlega verið að slá í gegn ! Má nefna að hann er tilnefndur núna sem reiðkennari ársins 2021 hjá LH!

Miðað er við 10-12 nemendur á námskeiðinu (minnst 8 manns)

Verð 35.000 kr.

Skráninginn opnar á laugardag næstkomandi 11.12.21 í

https://www.sportabler.com/shop/hfhordur

Ist möglicherweise ein Bild von 1 Person, Pferd und außen

Íþróttakonu og Íþróttakarls Mosfellsbæjar 2021

Nánar: Skrifað þann Miðvikudagur, desember 08 2021 20:01; Skrifað af Sonja

Nú er komið að tilnefningu Harðar á Íþróttakonu og Íþróttakarls Mosfellsbæjar 2021.

Útnefning íþróttakonu og íþróttakarls Mosfellsbæjar 2021 fer fram í byrjun janúar samkvæmt þá gildandi covid-19 reglugerð.

Við biðjum félagsmenn að senda inn tillögur á This email address is being protected from spambots. You need JavaScript enabled to view it. til síðasta lagi 15. desember 2021.

Í þetta skipti munum við ekki veita viðurkenningar til Íslands-, deildar- og bikarmeistara, efnilega ungmenna og landsverkefna.

Nú er komið að tilnefningu Harðar á Íþróttakonu og Íþróttakarls Mosfellsbæjar 2021.

Reglur

Þeir sem eru gjaldgengir sem íþróttakarl og íþróttakona Mosfellsbæjar skulu koma úr röðum starfandi íþróttafélaga /deilda í bæjarfélaginu eða eru með lögheimili í Mosfellsbæ en stunda íþrótt sína utan sveitarfélagsins. Komi útnefning frá tveimur félögum í sömu íþróttagrein má nefndin leita til sérsambands ÍSÍ um álit.

Tilnefna skal tvo einstaklinga (konu og karl) sem fulltrúa ykkar félags/deildar í kjöri til íþróttakonu og íþróttakarls Mosfellsbæjar 2021.

Greinargerð um íþróttakonu/íþróttakarl (hámark 80 orð)

Með tilnefningunni skal fylgja texti þar sem tilgreint er:

• Nafn og aldur á árinu (viðkomandi skal vera 16 ára eða eldri)

• Helstu afrek ársins, með félagsliði eða sem einstaklingur

• Önnur atriði sem skipta máli eins og æfingamagn, ástundun, félagsleg færni og annað sem á erindi í textann um viðkomandi einstakling

• Mynd af viðkomandi íþróttamanni.

• Símanúmer og email hjá viðkomandi.

Ítrekum sérstaklega að hafa góðan texta og góða mynd

*Þarf að skila inn til síðasta lagi miðvikudaginn 15.desember 2021 til This email address is being protected from spambots. You need JavaScript enabled to view it. *