- Nánar
-
Flokkur: Annað
-
Skrifað þann Mánudagur, ágúst 12 2002 12:00
-
Skrifað af Vefstjóri
Í landsliði íslands fyrir norðurlandamótið í hestaíþróttum voru meðal annara valdir Harðarmennirnir Sigurður Sigurðarson, Guðmundur Einarsson og Kristján Magnússon.
Að auki var liðstjórinn Harðarmaðurinn Eysteinn Leifsson.
Kapparnir stóðu sig vel, Guðmundur Einarsson náði norðurlandameistaratitlum bæði í 250 m skeiði og 100 m fljúgandi skeiði.
Sigurður Sigurðarson varð í fjórða sæti í slaktaumatölti, níunda sæti í fimmgangi og níunda sæti í gæðingaskeiði og Kristján Magnússon varð í fjórða sæti í gæðingaskeiði ungmenna og í fimmta
sæti í fimmgangi ungmenna.
Þess má geta að Sigurður og Kristján fengu keppnishross sín að láni erlendis.
Að öðru leiti gekk íslenska liðinu vel, Eyjólfur Þorsteinsson varð þrefaldur norðurlandameistari, í gæðingaskeiði ungmenna, fimmgangi ungmenna og 100 m fljúgandi skeiði .
Aðalsteinn Aðalsteinsson varð norðurlandameistari í samanlögðum stigum en hann var annar í fimmgangi og náði tímanum 22,25 sek í 250 m skeiði og þriðja sætið.
Sonur hans Reynir Aðalsteinsson var annar í fljúgandi skeiði og annar í 250 m skeiði. Jóhann Skúlason var norðurlandameistari í tölti og fjórði í fjórgangi.
Sigurður Óskarsson varð þriðji í gæðingaskeiði, átti fimmta besta tímann í 250 m skeiði og varð fjórði í stigakeppninni.
Íslendingar voru því í fyrsta, öðru, þriðja og fimmta sæti í 250 m skeiði.
Þórdís Erla Gunnarsdóttir varð í þriðja sæti í fjórgang ungmenna og fjórða sæti í tölti ungmenna. Bjarnleifur Smári Bjarnleifsson stóð sig frábærlega þegar hann reið sig úr B-úrslitum í tölti unglinga hampaði norðurlandameistaratitli eftir A-úrlitin.
Það er því ekki hægt að segja annað en að liðstjórinn hafi staðið sig vel í valinu á knöpum og hestum því að alls lentu átta norðurlandameistaratitlar hjá íslendingum.
