• Prentvæn útgáfa
• Tölvupóstfang

Nánar

Flokkur: Aðsent

Skrifað þann Fimmtudagur, febrúar 21 2008 12:06

Skrifað af Super User

Frábært tækifæri að sjá tvo af okkar bestu reiðkennurum og þjálfurm landsins. Þá Anton Pál Níelsson og Atla Guðmundsson sem deila munu með okkur þekkingu sinni og reynslu á sviði hestamennsku með sýnikennslu næstkomandi föstudagskvöld 22. febrúar kl.20:00 í Reiðhöllinni Víðidal. Um árabil hafa þeir starfað við reiðkennslu, þjálfun hrossa og tamningar með frábærum árangri. Báðir eru þeir með B reiðkennararéttindi Félags Tamningamanna.

Anton er einn af aðal reiðkennurum Hólaskóla og hefur starfað þar við kennslu í mörg ár einnig hefur Atli stundað þar kennslu sem gestakennari af og til. Báðir hafa þeir getið sér gott orð sem frábærir kennarar sem ná að koma efninu vel til skila á skýran og skilmerkilegan hátt.

Þetta er án efa tækifæri sem enginn hestamaður ætti að láta framhjá sér fara hvar sem áhugasvið hans liggur í hestamennsku

FT-suður og fræðslunefnd Fáks standa að sýningunni.

Aðgangseyrir er 1500 kr. en 1000 kr. fyrir skuldlausa FT- og Fáksfélaga.