Formannsfrúarreiðin

Kæru HARÐARKONUR nú fer að líða að FORMANNSFRÚARREIÐINNI. Ferðin í ár verður með svipuðu sniði og í fyrra. Riðið verður frá Skógarhólum í Hörð laugardaginn 26. maí. Farastjóri er hún Lilla okkar, sem skilaði okkur svo frábærlega í hús í fyrra. Ferðin er 39.5 km á lengd og tekur ca 6-8 tíma. konur geta valið hvort þær ríða hálfa eða alla leið. Þetta er allavega 2ja hesta ferð.
Á morgun verður kvennadeildin með reiðtúr, Dalshringinn, og ætlar Lilla að vera farastjóri og gefa okkur sjörþefinn af því hverning er riðið í svona ferð, ferðahraði, passa að dragast ekki afturúr og fyrir þær sem ætla að teyma er gott að prufa það núna, sérstaklega ef þið fáið lánshest sem þið þekkið ekki af eigin raun hvernig teymist. Ég hvet þær konur sem hugsa sér að fara í ferðina að koma með í túrinn á morgun.
Ég set nánara ferðaplan og upplýsingar á síðuna fyrir helgi og áætla að skráning veði svo 16-18 maí.
Hlakka til að sjá sem flestar á morgun,
Anna Björk