- Nánar
-
Flokkur: Stjórnin
-
Skrifað þann Sunnudagur, maí 22 2011 12:04
-
Skrifað af Super User
Sælar allar Formannsfrúarreiðkonur, mikið var dagurinn frábær, er enn að fara yfir
hann í huganum. Allt sem við upplifðum saman
í ólýsanlegu veðri í frábærum hóp undir óskeikulli fararstjórn Lillu. Hugsið ykkur allt sem hefði getað gerst, en
gerðist ekki af því að hópurinn var einhuga um að láta allt ganga upp,
viðvaranir við pyttum, drullu, halla eða annarri torfæru kallaðar aftur íhópinn og látið ganga,
(stökkbreyttist stundum í eitthvað annað ;-O eftir því sem það ferðaðist aftur í hópinn). Hjálpin sem
við fengum á leiðinni frá eiginmönnum og öðrum aðdáendum var
ómetanleg. Rosalega fegnar að þurfa ekki að nýta okkur sérfæði þjónustu okkar ágæta Ingvars læknis
sem kom þó til að tékka á sinni, eða Helga dýra, sem átti þó fleiri í hópnum. Óvæntar uppákomur eins og að Helgi Björnsson
aðal söngvari hestamanna skyldi fara
uppá bílpall á Skeggjastöðum og taka
lagið fyrir okkur. Stórbrotið landslagið, náttúrufegurði á leiðinni, kyrrðin og yndisleg
sól. Allar kappklæddar tilbúnar í allt
nema það sem kom, hahaha, skrældum af okkur lögin eins og við værum laukar, peysur
fuku, vettlingar og göllum pakkað saman
og hefðum gefið mikið fyrir að stinga hausnum undir kalda bunu af vatni. Persónuleg markmið sett og kláruð með glans. Þreyttar en í sæluvímu komum við í hús. Harðarból
hafði orðið fyrir sprota álfdrottningarinnar
Gunnu í Dalsgarði, óþekkjanlegt, í nýja glæsilega búningnum sem hún færði hann
í. Maturinn frábær, Makkerinn og
Ragga sáu um að enginn var þyrstur eða þurfandi fyrir neitt. Gítarspilið hjá Guðjóni formanni og Hákoni setti svo lokapunktinn á
hátíðina.
Takk allir fyrir að láta þessa litlu hugmynd sem ég fékk í
vetur verða að þessum yndislega veruleika, sem ég ætla að ylja mér á í huganun
lengi,
TAKK FYRIR MIG, Anna
Björk
