- Nánar
-
Skrifað þann Fimmtudagur, ágúst 18 2022 11:06
-
Skrifað af Sonja
Hestamenn athugið!
Hjólreiðakeppnin Fellahringurinn verður haldinn 25. ágúst 2022 og ræst frá Varmá kl 19:00.
Hjólað er um stíga og slóða umhverfis fellin í Mosfellsbæ. Boðið er upp á tvo mögulega hringi, litla 15km og stóra 30km.
https://www.facebook.com/events/527925345779946/?ref=newsfeed
Báðar leiðirnar fara inn á reiðvegi okkar Harðarmanna sem verður lokað á meðan keppnin fer fram. Hestamenn eru beðnir að forðast að vera á ferli á þessum vegum þetta kvöld á meðan keppnin stendur.
- Nánar
-
Skrifað þann Föstudagur, ágúst 05 2022 15:13
-
Skrifað af Sonja
Drullu- og hindrunarhlaup Krónunnar er hluti af Íþróttaveislu UMFÍ og 100 ára afmæli UMSK, sem er íþróttahérað okkar í Herði, unnið í samstarfi við Aftureldingu.
Hlaupið fer að nokkru leiti fram á reiðvegum í kringum hesthúsahverfið (um Ævintýragarð og við Köldukvísl) og verður þeim lokað þess vegna laugardaginn 13. ágúst á milli 11 og 15.
Leiðin úr hesthúsahverfinu að Tungubakkahring og upp í Mosfellsdal mun semsagt lokast tímabundið þennan dag. Eins verður ekki hægt að keyra neðst í hverfinu út úr götunum þar.
Engar þrautir eru á reiðleiðum, þær eru aðeins tenging á milli þrauta eins og göngustígarnir. Ætlunin er að hlaupið verði yfir Köldukvísl/Varmá á vaðinu við Skiphól.
Athugið að bílar og kerrur þurfa að fara af svæðinu neðst í hverfinu, við Skiphól. Þar verður ein þraut/hindrun sett upp.
Vonandi hefur þetta ekki stórkostleg áhrif á útreiðar, má líta á sem okkar framlag í afmælishátíð UMSK og á ekki að vera mikið rask. Sýnum sjálfsagða tillitssemi svo þessi viðburður verði ánægjulegur.
Linkur á viðburðinn á Facebook:
https://www.facebook.com/events/1388200194960850/1468651500249052/?acontext=%7B%22source%22%3A%2229%22%2C%22ref_notif_type%22%3A%22admin_plan_mall_activity%22%2C%22action_history%22%3A%22null%22%7D¬if_id=1659693536548823¬if_t=admin_plan_mall_activity&ref=notif
Drulluskemmtilegt hlaup þar sem fjölskyldan vinnur saman að því að komast í mark í skítugasta hlaupi ársins í Mosfellsbæ!
- Nánar
-
Skrifað þann Mánudagur, júlí 18 2022 12:06
-
Skrifað af Sonja
Það stendur til að malbika hringtorgið fyrir ofan hesthúsahverfið þriðjudaginn 19. júli milli kl: 9 og 14. Aðkoma þaðan að hverfinu verður því lokuð á þessum tíma. Þessar framkvæmdir eru veðurháðar.
Hægt verður að koma akandi um reiðveg við fótboltavöllinn á Tungubökkum á meðan á þessu stendur.
- Nánar
-
Skrifað þann Fimmtudagur, júlí 07 2022 17:49
-
Skrifað af Sonja
Þá er milliriðlum lokið og smelltu þeir félagar Biskup frá Ólafshaga og Benedikt Ólafsson sér í efsta sætið inn í A úrslit ungmenna með magnaðri sýningu. Tumi frá Jarðbrú og Flóvent frá Breiðstöðum tryggðu sér sæti í B úrslitum í B flokki. Glúmur frá Dallandi er þriðji inn í A úrslit í A flokki. Sigriður Fjóla Aradóttir sýndi flotta takta í milliriðli barna en komst ekki áfram í úrslit. Fjóla er búin að stimpla sig inn með stæl. Forkeppni i íþróttakeppni er lokið en skeiðgreinar eru eftir, Harðarfélagar eiga ekki knapa í úrslitum en Reynir Örn og Týr frá Jarðbrú enduðu í níunda sæti í slaktaumatölti.
Veðrið hefur svo sannarlega leikið stórt hlutverk á þessu Landsmóti, annað hvort bongó blíða með sólbrenndum nebbum eða að knapar hafa þurft að sundríða hringvöllinn. Öllu hefur verið frestað í dag til kl.4, við verðum að henda okkur á hnén og sameinast í einlægri ósk um betri tíð. Sama hvernig fer þá erum við stolt af okkar félögum og óskum þeim sem eiga eftir að ríða úrslit góðs gengis.
ÁFRAM HÖRÐUR!!!
Mynd: Susy Oliver