• Prentvæn útgáfa
• Tölvupóstfang

Nánar

Flokkur: Fréttir

Skrifað þann Mánudagur, júní 08 2009 00:00

Skrifað af Super User

Íslandsmót barna, unglinga og ungmenna í hestaíþróttum verður haldið á félagssvæði Harðar í Mosfellsbæ dagana 25.-28. júní n.k. Hvert hestamannafélag fyrir sig sér um skráningu sinna félagsmanna.

Skráning Harðarfélaga á mótið verður í Harðarbóli miðvikudaginn 10. júní kl. 20-22 og einnig í síma 5668282 á sama tíma. Skráningargjald er kr. 3.500 á grein og skal greiðast við skráningu.

Boðið verður upp á keppni í öllum hefðbundnum greinum:

Barnaflokkur (13 ára á keppnisárinu og yngri): Tölt T1, fjórgangur V1 og fimi A.

Unglingaflokkur (14-17 ára á keppnisárinu): Tölt T1, fjórgangur V1, fimmgangur F1, gæðingaskeið PP1 og fimi A.

Ungmennaflokkur (18-21 árs á keppnisárinu): Tölt T1, slaktaumatölt T2, fjórgangur V1, fimmgangur F1, gæðingaskeið PP1, 100 m skeið PP2 og fimi A2.

Öll keppnishross þurfa að vera skráð í Worldfeng. Heimilt er að skrá fleiri en einn hest í hverja grein, en komi knapi fleiri en einum hesti í úrslit skal hann/hún velja einn hest til úrslitakeppni.