• Prentvæn útgáfa
• Tölvupóstfang

Nánar

Flokkur: Fréttir

Skrifað þann Sunnudagur, janúar 04 2015 22:12

Skrifað af Jóna Dís Bragadóttir

Aðalheiður Anna Guðjónsdóttir

Fædd 7. júlí 1989  

Aðalheiður hefur stundað hestamennsku frá unga aldri og hefur keppt frá barnæsku.  Hún er „uppalin“  í Hestamannfélaginu Herði og hefur einungis keppt fyrir Hörð. Hún tileinkaði sér snemma agaða og fágaða reiðmennsku sem vekur athygli þar sem hún kemur fram á keppnisvöllunum.  Aðalheiður var í meðal fremstu knapa Harðar í unglinga og ungmennaflokki. Hún lauk tamningamanns-  og reiðkennaraprófi frá Háskólanum á Hólum og var öll árin með þeim hæstu í sínum árgangi. 

Aðalheiður var á árinu valin af dómurum á World ranking mótum á lista yfir þá knapa sem sýnt hafa bestu reiðmennskuna á Íslenska hestinum um heim allan. Hún stundar fágaða og létta reiðmennsku, fær það besta út úr hverjum hesti og er góð fyrirmynd þegar kemur að reiðstíl og ásetu.

Aðalheiður keppti í Meistaradeild VÍS ásamt 20 bestu knöpum landsins með góðum árangri.

Hún tók þátt í öllum mótum hjá Herði og var alltaf í úrslitum og tók einnig þátt í öllum stórmótum sem haldin voru á Íslandi árið 2014 m.a.:

Landsmót Hestamanna 2014 var hún með með 6 hross.

Framúrskarandi árangur í sýningu kynbótahrossa.

Hæst dæmda litförótta hross í heiminum frá upphafi.