• Prentvæn útgáfa
• Tölvupóstfang

Nánar

Flokkur: Æskulýðsnefnd

Skrifað þann Föstudagur, febrúar 06 2009 17:14

Skrifað af Super User

Ákveðið hefur verið að halda Bikarkeppni á milli hestamannafélaga á höfuðborgarsvæðinu. Mótin verða í byrjun keppnistímabilsins þegar minna er um mót. Einnig eru þau hugsuð til að auka samstarf og samvinnu á milli hestamannafélaga á svæðinu.

Mótin eru stutt og er lögð rík áhersla á að þau séu áhorfendavæn og að mikilvægt sé að ná upp stemmningu á áhorfendapöllunum.  Á hverju móti verður öflugusta stuðningsliðið valið (það kemur stuðningslið frá hverju hestamannafélagi) og fær það stuðningsmannalið, sem stendur sig best á öllum keppnunum þremur, bikar á lokamótinu eins og það hestamannafélag sem sigrar keppnina.  Hvert hestamannafélag velur liðstjóra (landsliðseinvald) og er hann tengiliður í öllu sem viðkemur mótunum og ábyrgur fyrir sitt hestamannafélag.  

Mótin eru  haldin á föstudagskvöldum og standa í um einn og hálfan tíma.

Reiðkennarar æskulýðsnefndar Harðar munu velja þá knapa / hesta sem munu keppa fyrir hönd félagsins.

Eftirfarandi mót verða haldin í mótaröðinni í ár:

Föstudaginn 13. febrúar  - Þrígangsmót - Reiðhöll Gusts (brokk, hægt stökk og fegurðartölt)

Föstudaginn 27. febrúar - Hraðafimismót - Reiðhöllinni í Keflavík (tími ræður röð - tveir úr hverju félagi sem keppa í þrautabraut, plús einn skeiðhestur og einn brokkhestur á tíma í gegnum höllina)

Föstudaginn 13. mars - Töltmót - Reiðhöllinni í Víðidal

Stigaútreikningar verða þannig,

1.     Sæti gefur 10 stig

2.     Sæti gefur 8 stig

3.     Sæti gefur 6 stig

4.     Sæti gefur 4 stig

5.     Sæti gefur 3 stig

6.     Sæti og öll sæti eftir það gefa 1 stig.

Stutt og skemmtileg mót þar sem áhorfendur eru líka þátttakendur og síðan er það spurning um hvaða hestamannafélag er best ríðandi?

Rífum upp stemmninguna og tökum þátt.

Í mótanefnd eru: 

Jón Ólafur, Andvara
Jón Finnur, Fáki
Magnús , Sörla