• Prentvæn útgáfa
• Tölvupóstfang

Nánar

Flokkur: Fréttir

Skrifað þann Fimmtudagur, janúar 23 2014 11:20

Skrifað af Hans Orri Kristjánsson

Við minnum alla á að núna stendur yfir skráning í reiðnámskeið fyrir fullorðna. Skráningu líku á morgun, föstudag. Enn er laust í öll námskeið.

Einhverjir hafa lent í vandræðum með að skrá sig á námskeið í gegnum Sportfeng. Þeir sem lenda í vandræðum geta sent póst á This email address is being protected from spambots. You need JavaScript enabled to view it. með upplýsingum um hvaða námskeið þeir vilja skrá sig á, kennitölu og fullt nafn.

Aftur á bak

Rólegt og uppbyggjandi námskeið fyrir fólk sem er að byrja í hestamennsku eða hefur aldrei farið á námskeið. Einnig fyrir þá sem hafa jafnvel orðið hvekktir en vilja komast í hnakkinn aftur eða þá sem skortir kjark og ná þess vegna ekki þeim árangri sem þeir stefna að.
Kennt í 6 skipti.
Kennari verður Oddrún Ýr Sigurðardóttir.
Verð: 12.000 kr.

Almennt keppnisnámskeið

Almennt keppnisnámskeið er ætlað þeim sem hafa hug á að taka þátt í hvers kyns mótum í áhugamannaflokkum. Á námskeiðinu verður meðal annars farið yfir þá áhugamannaflokka sem boðið er upp á í almennri keppni. Kennslan verður jafnframt sniðin að þörfum nemenda.
Kennt í 6 skipti.
Kennari verður Súsanna Ólafsdóttir.
Verð: 12.000 kr.

Vinna í hendi

Fjallað verður um mismunandi leiðir til að vinna í hendi. Lögð verður áhersla á andlegt og líkamlegt jafnvægi, líkamsbeitingu, sveigjanleika, jafnvægi til hliðanna og stjórn á yfirlínu á grunnþjálfunarstigi. Ætlunin er að nemendur öðlist meiri þekkingu á jafnvægi hestsins og geti notfært sér nýjar þjálfunaraðferðir til að stuðla að fjölbreytni í þjálfun. Kennslan mun byggja á áherslu á verklega kennslu en jafnframt bóklega samhliða sýnikennslu.
Kennt í 6 skipti.
Kennari verður Malin Elisabeth Jansson.
Verð: 12.000 kr.

Gangsetning tryppa / framhald í tamningu

Námskeiðið er fyrir tryppi sem lokið hafa frumtamningu og eru komin á stig gangsetningar. Skipulagið verður þannig að í upphafi er miðað við hálftíma einkatíma en það mun taka breytingum samhliða framförum tryppanna og getur þróast í klukkutíma kennslustund með tveimur nemendum.
Kennt í 6 skipti á fimmtudögum.
Kennari verður Róbert Pedersen.
Verð: 24.000 kr.

Paratímar / einkatímar hjá Róberti Pedersen

Námskeið sérsniðið að þörfum hvers og eins og hentar hestum og knöpum á öllum stigum reiðmennskunnar. Í boði eru einkatímar í 30 mínútur eða tveir nemendur saman í 60 mínútur.
Kennt í 6 skipti á fimmtudögum.
Kennari verður Róbert Pedersen.
Verð: 24.000 kr.

Reiðnámskeið með Rúnu Einarsdóttur

Námskeið sérsniðin að þörfum hvers og eins og hentar hestum og knöpum á öllum stigum reiðmennskunnar. Í boði eru einkatímar í 30 mínútur eða tveir nemendur saman í 60 mínútur.
Kennt í 5 skipti á miðvikudögum.
Kennari verður Rúna Einarsdóttir.
Verð: 22.500 kr.

Skráning í gegnum Sportfeng (velja skráningarkerfi):
http://skraning.sportfengur.com/SkraningNamskkort.aspx?mode=add

1. Velja námskeið.
2. Velja hestamannafélag (Hörður).
3. Skrá kennitölu þátttakanda – (Ef kennitala ekki í félagaskrá, þarf að fara inná www.hordur.is og sækja um aðild).
4. Velja atburð (og hóp ef fleiri en einn hópur).
5. Setja í körfu.
6. Velja greiðslufyrirkomulag: Greiðslukort eða millifærsla. Skráning telst ekki gild nema greiðsla hafi borist.