• Prentvæn útgáfa
• Tölvupóstfang

Nánar

Flokkur: Fréttir

Skrifað þann Mánudagur, desember 02 2013 10:37

Skrifað af Jóna Dís Bragadóttir

Til að fagna jólahátíðinni er öllum hestakrökkum boðið að sækja með okkur jólatré og skreyta í reiðhöllinni, ásamt því að föndra jólaskraut og útbúa jólapakka fyrir hestana. Við hittumst við félagsheimilið laugardaginn 7. desember kl. 11:00 og röðum okkur saman í bíla. Förum svo í Skógræktina í Hamrahlíð og sækjum okkur jólatré til að hafa í miðri reiðhöllinni yfir hátíðarnar. Þegar tréð er fundið, förum við í Harðarból og fáum okkur heitt kakó og piparkökur, ásamt því að útbúa skraut á tréð og jólapakka fyrir hestana okkar, við ljúfa jólatónlist. Förum svo öll saman í reiðhöllina þar sem jólamarkaður Harðar verður í gangi og skreytum tréð. Áætlað er að vera búin um kl. 14:00.
Jólaball Harðar verður svo laugardaginn 28. desember kl. 15:00 í reiðhöllinni og verður þá gengið og riðið í kringum jólatréð (þeir sem eru með þæga og rólega hesta mega mæta með þá á jólaballið). Jólaballið nánar auglýst síðar.

Æskulýðsnefnd Harðar

Fylgist með okkur á Facebook: Æskulýðsstarf í Herði