• Prentvæn útgáfa
• Tölvupóstfang

Nánar

Flokkur: Fréttir

Skrifað þann Þriðjudagur, desember 04 2012 14:21

Skrifað af Super User

Það fór ekki fram hjá neinum að ung tamningastúlka var tekin fyrir og mannorð hennar dregið um forina nú fyrir stuttu í tengslum við myndband sem birt var á netinu. Þetta mál verður vonandi til þess að menn dragi andan áður en þeir leggjast í heiftuga fordóma gagnvart meðbræðrum sínum og systrum. Ég vona að þessi sýknun fái jafn mikla athygli og dreyfingu og fyrri hluti málsins, en eftirfarandi er niðurstaða

aganefndar félags tamningamanna:

"Í samræmi við lög Félags tamningamanna vísaði stjórn Félags tamningamanna umræddu máli til aganefndar félagsins til að málið mætti fá faglega og viðeigandi umfjöllun og úrlausn.
Aganefnd Félags tamningamanna hefur tekið málið fyrir að beiðni stjórnar Félags tamningamanna og komist að eftirfarandi niðurstöðu:

“Aganefnd Félags tamningamanna fundaði í Borgarnesi 29.11.2012 vegna erindis frá FT þann 20.11.2012. Aganefnd hefur horft á upprunalegt myndband óklippt og farið yfir önnur gögn málsins. Aganefnd gerir ekki athugasemdir við framgöngu tamningamannsins og sér ekki ástæðu til frekari íhlutunar. Það myndband sem birtist á ljósvakamiðlum er afbakað og tekið úr samhengi, verður ekki annað séð en það sé gert til að koma höggi á viðkomandi tamningamann.

Aganefnd Félags Tamningamanna"