- Nánar
-
Flokkur: Annað
-
Skrifað þann Mánudagur, maí 22 2006 08:57
-
Skrifað af mótanefnd
Skráning á Glitnis Gæðingamót Harðar
Glitnis gæðingamót Harðar verdur haldið dagana 2.- 4. júní en fyrsta umferð í fullorðinsflokka fyrir Landsmótsúrtöku fer fram 31. maí kl 18.00.
Mótið er einungis opið hestum í eigu skuldlausra Harðarfélaga og börnum, unglingum og ungmennum sem eru skuldlausir félagsmenn í Herði. Áríðandi er að eigendur hesta séu rétt skráðir í Worldfeng. Athugið að keppnishestar í yngri flokkum verða einnig að vera í eigu Harðarfélaga. Ekki er tekið við skráningum nema kennitala knapa, kennitala eiganda og IS númer hests liggi fyrir. Skráning á mótið fer fram fimmtudagskvöldið 25. maí í Harðarbóli á milli kl 19:00 og 22:00 gegn staðgreiðslu skráningargjalda. Skráningagjald er kr. 3000. Einnig er hægt að skrá í síma 566 8282 með því að gefa þá upp kortanúmer til greiðslu skráningargjalda
Ákveðið hefur verið að bjóða upp á tvöfalda úrtöku fyrir fullorðinsflokka. Fyrri umferðin fer fram á miðvikudagskvöld 31. maí kl 18:00. Knapa er ekki skylt að taka þátt í seinni umferðinni og en er það hærri einkunnin sem gildir. Eftir fyrri umferð er hægt að skrá sérstaklega í seinni umferðina og er innheimt sérstakt skráningargjald fyrir hana. Fyrirkomulag þess verður kynnt síðar. Knapi má ekki skipta um hest á milli umferða.
Töltkeppni og kappreiðar mótsins eru opin öllum og eru upplagt tækifæri til að keppa við lágmörk þau sem þarf til að keppa á Landsmótinu í sumar í þessum greinum
Keppnisgreinar eru eftirfarandi:
A flokkur, atvinnumenn og áhugamenn, B flokkur, atvinnumenn og áhugamenn
Ungmennaflokkur, Unglingaflokkur, Barnaflokkur, Pollaflokkur
Tölt opinn flokkur
100 m fljúgandi skeið
150 m skeið
250 m skeið
Unghrossakeppni, 4v og 5v .
Mótsstjórn áskilur sér rétt til að fella niður greinar náist ekki lágmarksskráning.
Kveðja mótanefnd.