• Prentvæn útgáfa

Nánar

Skrifað þann Miðvikudagur, október 29 2025 22:56

Aðalfundur Hestamannafélagsins Harðar

haldinn í Harðarbóli

miðvikudaginn 29. október 2025 kl. 20:00

Aðalfundur haldinn í Harðarbóli. Mættir 34. Þar með talið úr stjórn; Jón Geir Sigurbjörnsson formaður, Ragnhildur Traustadóttir gjaldkeri, Anna Lísa Guðmundsdóttir meðstjórnandi, Einar Franz Ragnars meðstjórnandi, Hermann Jónsson meðstjórnandi,  Ragnhildur Þorvaldsdóttir meðstjórnandi og Berghildur Ásdís Stefánsdóttir meðstjórnandi. Fjarverandi stjórnarmenn voru. Margrét Dögg Halldórsdóttir meðstjórnandi og Ingibjörg Ásta Guðmundsdóttir ritari. 

Ársskýrsla félagsins og skýrslur nefnda verða birtar á heimasíðu félagsins eftir fundinn. Rekstrarreikningur ársins 2024 verður einnig birtur á heimasíðu félagsins. 

Dagskrá: 

1. Formaður setur fund og tilnefnir fundarstjóra og fundarritara
2. Formaður flytur skýrslu stjórnar
3. Gjaldkeri skýrir reikninga félagsins og kynnir 9 mán. milliuppgjör
4. Umræður um skýrslu stjórnar og reikninga félagsins
5. Reikningar bornir undir atkvæði
6. Fjárhagsáætlun næsta árs og umræður
7. Árgjald ákveðið
8. Lagabreytingar
9. Kosningar samkvæmt 6. grein þessara laga
10. Önnur mál
11. Fundarslit

1. Formaður setur fund og tilnefnir fundarstjóra og fundarritara.

Jón Geir Sigurbjörnsson formaður setti fund og stakk upp á Marteinni Magnússyni sem fundarstjóra og Berghildi Ásdísi Stefánsdóttur sem fundarritara.

Fundarstjóri athugaði hvort fundur hafi verið löglega boðaður. Spurði einnig hvort einhver hefði athugasemdir við boðun fundar. Boðað var til fundar 3.október með löglegum hætti og fjöldi mættra félagsmanna er 34 og er fundurinn telst löglegur. Engar athugasemdir komu. 

2. Formaður flytur skýrslu stjórnar: 

Jón Geir kynnti skýrslu stjórnar sem verður einnig birt á heimasíðu félagsins. Farið var yfir helstu verkefni áheraslur félagsins. 

Stjórnin fundaði reglulega og einnig voru reglulegir fundir með fulltrúum bæjarfélgas.

Félagsmenn eru um 600. Rekstur og flest verkefni eru í föstum skorðum. Rúnar er í 50% starfi framkvæmdarstjóra, Sonja 50% starfi sem starfsmaður félagsins og Thelma Rut Davíðsdóttir tók við síðasta haust sem yfirreiðkennari. 

Félagið sendi frá sér greinargerð vegna stækkunar golfvallar og átti nokkra fundi þar sem áhersla félagsins er á að öryggi reiðleiðar og upplifun af henni muni ekki skerðast. Áfram verður áhersla á þetta mál þar sem illa hefur gengið að fá hljómgrunn fyrir sjónarmiðum félagsins í þessu máli, þrátt fyrir ítrekuð fundarhöld með bæjaryfirvöldum.

Námskeiðhald var öflgut og einnig störf nefnda. 

Framkvæmdir voru í reiðhöll og félagsheimili. 

Starfshópur um reiðleiðir stofnaður á vegum Mosfellsbæjar, formaður félags og formaður reiðveganefndar eru  í þeim hópi. 

3. Gjaldkeri skýrir reikninga félagsins og kynnir 9 mán. milliuppgjör.

Ragnhildur gjaldkeri kynnti reikninga. Tekjur félagsins hafa aukist frá fyrra ári og félagið stendur vel fjárhagslega, þó tekjur félagsheimilisins hafi aðeins dregist saman.
Keppnisvöllur var tekinn í gegn fyrir Íslandsmótið sem haldið var sumarið 2024.
Gjaldkeri kynnti jafnframt 9 mánaða uppgjör ársins 2025 og greindi frá því að betur hafi verið fylgst með innheimtu félagsgjalda og afskráningu þeirra sem ekki greiða.. 

4. Umræður um skýrslu stjórnar og reikninga félagsins. 

Ekki voru gerðar athugasemdir við skýrslu stjórnar og reikninga.

5. Reikningar bornir undir atkvæði 

Atkvæði voru greidd með handauppréttingu og voru reikningar samþykktir samhljóða.

6. Fjárhagsáætlun næsta árs og umræður 

Ýmist viðhald og framkvæmdir á dagskrá t.d. viðhald á félagsheimili. Eins og áður er stefnt  að því að skila félaginu með jákvæðri niðurstöðu en huga vel að viðhaldi eigna. Ragnhildur kynnti fjárhagsáætlunina. Engar umræður. 

7. Árgjald ákveðið 

Tillaga frá stjórn um óbreytt ágjald samþykkt samhljóða

8. Lagabreytingar 

Engar lagabreytingar lágu fyrir til samþykktar 

9. Kosningar samkvæmt 6. grein þessara laga 

Úr stjórn ganga; Anna Lísa Guðmundsdóttir, Einar Franz Ragnars,  Ingibjörg Ásta Guðmundsdóttir og Berghildur Ásdís Stefánsdóttir. Anna Lísa Guðmundsdóttir geftur kost á sér til áframhaldandi setur í stjórn. Ný í stjórn koma Gylfi Freyr Alberstsson, Brynjar Már Valdimarsson og Lára Ösp Oliversdóttir. Jón Geir Sigurbjörnsson gefur áfram kost á sér til formennsku. Skoðunarmenn reikinga Þröstur Karlsson og Sveinfríður Ólafsdóttir og þau gefa kost á sér til áframhaldandi starfs. 

10. Önnur mál 

Marteinn fundarstjór tók til máls. Hann sagði markmið að fylgja eftir því sem þegar hefur verið gert varðandi stækkun golfvallar og okkar lausnir og tillögur varðandi málið. Ræddi reiðvegamál og stöðuna gagnvart bænum. Las upp ályktun til samþykktar fundar.

 “Aðalfundur hestamannafélagsins Harðar skorar á bæjarstjórn Mosfellsbæjar að tryggja að fyrirhuguð stækkun golfvallarins verði ekki höfð beggja vegna reiðvegarins heldur verði veginum hliðrað til norðurs til að lágmarka áreiti frá fyrirhugaðri stækkun golfvallarins og tryggja þannig öryggi hestamanna.
Reiðleiðir hestamannafélagsins eru hluti af íþróttasvæði hestamanna og nauðsynlegur þáttur í því að félagsmenn geti stundað sína íþrótt.  
Eins og segir í bréfi frá Öryggisnefnd Landssambands hestamannafélaga þar sem að þeir taka undir mótmæli hestamnnafélagins Harðar um stækkun golfvallar án nauðsynlegra ráðstafana til að tryggja öryggi hestafólks og hesta.
Fundurinn skorar á bæjarstjórn Mosfellsbæjar að tryggja öryggi ríðandi umferðar í samráði við hestamannafélagið Hörð um svæðið enda mikilvægt að útivistasvæðið sé fyrir alla!”

Jón Geir sýndi og rifjaði upp með fundarmönnum núverandi tillögu varðandi golfvöllinn. Umferð milli teigs 3 og 4 er einungis möguleg yfir göngustíg og reiðstíg sem ekki er ásættanlegt. Umræður. Fundarmenn voru sammála um að mikilvægt sé að ná fram úrbótum á þeim tillögum sem liggja fyrir núna og félagið haldi sínum sjónarmiðum áfram á lofti og málinu sé áfram fylgt eftir.

Jón Geir sýndi einnig mynd af lýsingu sem til stendur að koma í gagnið á um 1800m kafla. Nokkrar umræðum um reiðvegi og leiðir.

Fram kom að ánægja hefði verið hjá meistaradeild ungmenna með móttökur Harðar á þeim mótum sem haldin vour hér. 

Umræður um kerrustæði. Verið er að vinna í því máli en ljóst að allir sem hafa óskað eftir munu fá kerrustæði. 

11. Fundarslit 

Formaður þakkaði góðan fund og sleit fundi 20:57

Fundargerð ritaði 

Berghildur Ásdís Stefánsdóttir