HEIMSMEISTARAR HARÐAR

Nánar
Flokkur: Fréttir
Skrifað þann Þriðjudagur, ágúst 22 2023 16:26
Skrifað af Sonja

Heimsmeistarmót íslenska hestsins fór fram í Hollandi 8-13/8.


Mótið hófst á kynbótabrautinni og tryggði Aðalheiður Anna Guðjónsdóttir Íslandi Heimsmeistaratitil með glæsilegri sýningu i flokki fimm vetra hryssna á merinni Ársól frá Sauðanesi.


Benedikt Ólafsson keppti í gæðingaskeiði á Leiru-Björk frá Naustum lll og hlaut þar gullverðlaun og Heimsmeistaratitil. Þau Bensi og Leira skelltu sér óæfð í fimmgang og slaktaumatölt sem gulltyggði þeim annan Heimsmeistaratitil í samanlögðum árangri í fimmgangsgreinum. Benedikt vann hug og hjörtu allra á mótinu, hann rúllaði upp viðtölum á öllum helstu fréttamiðlum mótsins og vakti eftirtekt að drengurinn söng hástöfum þegar Íslenski þjóðsöngurinn var spilaður.

Harðarfélagar fjölmenntu á mótið og voru allir að springa úr stolti yfir árangri Bensa, Aðalheiðar og Íslenska liðsins sem hefur aldrei verið betri en í ár.

Hestamannafélagið Hörður óskar þessum flottu knöpum til hamingju með þennan glæsilega árangur á Heimsmeistaramótinu.

Áfram Hörður

369325742_676217727364685_771373349171600087_n.jpg

369579500_594862019463779_6258977883945916932_n.jpg

369477047_671780301541606_871511353621897971_n.jpg

369637960_293355056678437_6512527504383914807_n.jpg

 

Framundan

Nánar
Flokkur: Fréttir
Skrifað þann Mánudagur, ágúst 21 2023 13:37
Skrifað af Sonja

Frá og með morgundeginum 22. ágúst og næstu tvær vikur, verður okkar allra besti Rúnar framkvæmdastjóri í leyfi.  

Sonja Noack mun taka símavaktina (8659651) og sinna erindum sem berast. Vaktaplanið okkar til að handsama lausa hesta er í fullu gildi og aðgengilegt á facebook, endilega hringið beint í vakthafandi fólk ef þess er nokkur kostur. Annars er það Sonja, Magga Dögg formaður og aðrir í stjórn eftir föngum sem standa vaktina. Allar upplýsingar á heimasíðu félagsins.

Frumtamninganámskeið með Ingu Maríu í haust

Nánar
Flokkur: Fréttir
Skrifað þann Miðvikudagur, ágúst 16 2023 18:44
Skrifað af Sonja

1 bóklegur tími (1-2klst) 8 verklegir tímar og hugmyndir um heimavinnu milli vikna.

Dagsetningar—tímasetningar koma seinna—(en verða á virkum dögum eftir venjulegan vinnudag).

7-8 september

12-13 September

19-20 September

26-27 September

Hvar: Hestamannafélagið Hörður

Skráning: https://www.sportabler.com/shop/hfhordur opnar í kvöld kl 21

Verð 58.000

Minnst 8 -max 12 manns

Inga er 55 ára reiðkennari frá Hólum, búin að vera í hestum frá blautubarnsbeini.

Frumtamningar þykir henni skemmtilegastar við hestamennskuna og þar kemur inn reynslan og sú kunnátta sem hún hefur lært á Hólum og hefur tileinkað sér.

Þau 6 ár sem hún starfaði á Feti voru 40-50 tryppi tamin á hverju hausti og tók hún fullan þátt í því.

357572003_797476761842224_948601949189227647_n.jpg

 

Drulluhlaup

Nánar
Flokkur: Fréttir
Skrifað þann Fimmtudagur, ágúst 10 2023 23:10
Skrifað af Sonja
Á laugardaginn kemur fer fram Drulluhlaup Krónunnar, líkt og í fyrra. Það fer að einhverju leiti fram á reiðvegum umhverfis félagssvæðið okkar og verður leiðirnar út að Tungubökkum, meðfram Köldukvísl og meðfram Varmá upp að íþróttasvæði lokaðar á meðan á hlaupinu stendur, frá 10-16. Hægt verður að komast með bíla hina leiðina (frá Tunguvegi við fótboltavöllinn) þurfi fólk áð sinna hrossum í beitarhólfum á þessum tíma.
Nánar um hlaupið:
Við sýnum tillitssemi og styðjum nágranna okkar í Aftureldingu í þessum skemmtilega árlega viðburði.
1690962557-1080x1920-drulluhlaup.png

Beit

Nánar
Flokkur: Fréttir
Skrifað þann Mánudagur, júní 12 2023 11:59
Skrifað af Sonja

Við minnum á að eindagi beitargjalds var 9.júní, ætlast er til að greiðslu sé lokið áður en hrossum er sleppt í hólf.  Þeir sem eiga eftir að greiða gangi frá því í snatri.

Dosir / Flöskur

Nánar
Flokkur: Fréttir
Skrifað þann Föstudagur, maí 19 2023 21:40
Skrifað af Sonja

Það er kominn dósa/flösku kassi, staðsettur við reiðhöllina.
Þangað eru félagsmenn hvattir til að skila þar til bærum ílátum,
ganga vel um og styrkja í leiðinni reiðnámskeið fatlaðra hjá Herði.

346132562_774349974282780_2063188272888436516_n.jpg

346123131_774157587754811_7715676921649683376_n.jpg

 

Beit 2023

Nánar
Flokkur: Fréttir
Skrifað þann Fimmtudagur, júní 08 2023 13:29
Skrifað af Sonja

Þeir sem hafa fengið úthlutað beit á vegum félagsins hafa nú fengið tölvupóst með upplýsingum um hvenær má sleppa, en heimilt verður að sleppa hrossum laugardaginn 10. júní.

 

Hestamenn í Herði 60 + - Reiðtúr - Grillveisla.

Nánar
Flokkur: Fréttir
Skrifað þann Fimmtudagur, maí 11 2023 16:41
Skrifað af Sonja

Hestamenn í Herði 60 +

Reiðtúr - Grillveisla.

Dagurinn er fimmtudagur 25. maí 2023

Reiðtúrinn🐴

Lagt verður upp frá reiðhöllinni kl. 18:00

Við ríðum til Gísla í Dalsgarði þar sem boðið verður upp á léttar veitingar og "músikk"

Grillveisla.

Harðarból opnar kl. 19:30

Borðhald hefst kl. 20:00

Matseðill 

Aðalréttur:

Grillveisla með öllu tilheyrandi að hætti Hadda - sem engan svíkur.

Eftirréttur

Sælkeraturn með heimagerðu döðlunammi Dísu, jarðarberjum og öðru gómsætu kruðiríi  Kaffi

🍷🍺🍷 

 Við getum tekið með okkur drykki en einnig verður barinn opinn og drykkir seldir á sanngjörnu verði.

Tindatríóið

mætir á svæðið kl 21:00 og skemmtir okkur af sinni alkunnu snilld.

Þrír á palli

Gunni, Nonni og Þórir fara með  með gamanmál.

Guðmundur Jónsson

verður að venju með nikkuna við innganginn og kemur okkur í rétta gírinn.

Hákon og Kristín🎹

mæta með gítarinn og nikkuna og stjórna. fjöldasöng.

Verð kr. 5000  ( posi á staðnum )

Þátttaka tilkynnist hjá 

Sigríði Johnsen á netfangið This email address is being protected from spambots. You need JavaScript enabled to view it.

eða í síma 896-8210

í síðasta lagi laugardaginn 20 . maí.

Við hlökkum til að hitta ykkur í sumarskapi.

Lífið er núna - njótum 😊

Áburður

Nánar
Flokkur: Fréttir
Skrifað þann Þriðjudagur, maí 23 2023 16:19
Skrifað af Sonja

Þeir sem hafa fengið staðfesta sumarbeit á vegum félagsins í sumar geta sótt áburð við reiðhöll Harðar á þessum tímum:

Miðvikudag 24. maí kl 17-18.30

Fimmtudag 25. maí kl 17-18.30

Áríðandi er að koma með ílát eða sterka poka til að setja áburðinn í og virða þessar tímasetningar!

 

Stjórnin

Gámur undir rúllu-/baggaplast.

Nánar
Flokkur: Fréttir
Skrifað þann Föstudagur, maí 05 2023 19:06
Skrifað af Sonja

Í næstu viku kemur gámur sem félagsmönnum býðst að nýta til að losa sig við rúllu- /baggaplast sér að kostnaðarlausu.  Gámurinn verður opinn í klukkutíma fasta daga og verður vaktaður, dagar og tími auglýst síðar.  Gámurnn verður við reiðhöllina.

Allir litir af rúllu-/baggaplasti mega fara í gáminn en ALLS EKKI neitt annað, plastið fer til endurvinnslu og mikilvægt að það sé ómengað.  Best er að hrista sem mest af heyi úr plastinu, skila því sem hreinustu þó ekki sé gerð athugasemd við smávegis moð.

Ekki bönd, ekki net, ekki plast undan spónum og ekkert annað en rúllu-/baggaplast má fara í þennan gám, þarf að losa plastið úr „safnpokum“ hverskonar áður en það er sett í gáminn.

Þessari þjónustu er sjálfhætt ef fólk virðir ekki reglurnar, en vonandi verður þessu vel tekið og nýtist okkur öllum.

Stjórnin

Fleiri greinar...

  1. Fákur kemur
  2. FÁKSREIÐIN
  3. FÁKSREIÐIN
  4. Firmakeppni Harðar

Undirflokkar