Æfingamót Æskulýðsnefnd 14.4.24
- Nánar
- Flokkur: Fréttir
- Skrifað þann Þriðjudagur, apríl 09 2024 11:40
- Skrifað af Sonja
Það er komið að næsta viðburði hjá æskulýðsnefnd Harðar og hvetjum við alla unga Harðarfélaga að mæta og spreyta sig á að sýna mismunandi gangtegundir.
Ragnheiður Þorvalds og Thelma Rut munu leiðbeina á meðan æfingunni stendur og mun hver þátttakandi fá umsögn á blaði hvað gekk vel og hvað má æfa til að bæta enn frekar.
Það verður í boði að sýna þrígang (tölt, brokk, fet) og síðan fjórgangsprógramm (hægt tölt, brokk, fet, stökk og hratt tölt - V2) og verða 2 inná í einu. Það verður einnig í boði að fá að æfa fjórgangsprógramm (V1) og þá er hver þátttakandi einn inn á í einu.
Börn (10-13 ára), Unglingar (14-17 ára) og Ungmenni (18-21)
Þegar allir hafa lokið rennsli söfnumst við öll saman í reiðhöllinni þar sem grillaðar pylsur verða í boði ásamt drykkjum og ís.
Við hlökkum til að sjá sem flesta unga Harðarfélaga taka þátt á sunnudaginn 14. apríl næstkomandi 
