• Prentvæn útgáfa

Nánar

Flokkur: Stjórnin

Skrifað þann Mánudagur, desember 17 2012 17:43

Skrifað af Super User

Kæru  Harðarfélagar

Nú er tími til að kveðja. Ég er búinn að sitja í stjórn félagsins í bráðum tíu ár og þar af sem formaður í fimm og hafa aðeins tveir af þeim 18 formönnum sem stýrt hafa Herði gegnum tíðina setið lengur.   Þau verk sem ég einsetti mér að vinna eru í höfn, ég er svo að segja búinn að krossa við allt á mínum verkefnalista.  Þá er rétt að aðrir taki við keflinu og færi það inn í nýja og spennandi tíma, en ég mun ekki gefa kost á mér sem formaður félagsins á aðalfundi félagsins sem er í kvöld.  

Það er þó með nokkrum trega að ég kveð, því Hestamannafélagið Hörður er mér afar kært og hefur fært mér og minni fjölskyldu ótaldar ánægjustundir.  Ég vil þakka ykkur öllum sem starfað hafa með mér fyrir frábært samstarf og samstöðu í gegnum súrt og sætt, en þessi ár sem við höfum starfað saman hafa reynst Herði ákaflega gjöful bæði félagslega og fjárhagslega þrátt fyrir þá erfiðu tíma sem hafa ríkt hjá okkur sem þjóð.

Takk fyrir mig, Guðjón Magnússon